دعاء بعد 18 سنة كاملة
25 فبراير 2022
♡ دي دعاء و ده أنا ♡
تعالوا معايا نشوف ايه اللي حصل عشان الجميلة دي تنور الدنيا بعد 18 سنة كاملة.
– دي دعاء الصغيرة بنت دعاء الكبيرة، و الحقيقة هي أهم حد في قصتنا النهاردة.
– لأنها جت بعد ما دعاء الكبيرة (والدتها) تعبت و شقيت و اتعذبت كتير قوي لحد ما جت دعاء هانم الصغيرة.
– 18 سنة زواج
– 3 مرات حقن مجهري غير موفق من قبل
– فرط تنشيط مزعج
– أول مرة حاولنا حقن مجهري و ربنا كرمنا و حصل حمل توأم جميل و الحمل كان ماشي كويس جداً، إلا أن إرادة الله أبت إلا أن تختبر الزوجين العزيزين الصابرين المؤمنين و حدثت ولادة مبكرة مع الأسف و لم يكتب الله النجاة للطفلين.
– الموقف كان صعب جداً علينا كلنا بس تمسكنا جميعا بالأمل في الله.
– كان عندنا أجنة مجمدة، زرعناها و حصل حمل توأم جديد و ايدينا على قلوبنا.
– الحمل مستقر و لكن الأشعة رباعية الأبعاد أثبتت وجود عيب خلقي في أحد الأجنة و احتمال بقائه على قيد الحياة قليل جداً
– تابعنا متابعة كثيفة جداً
– تحاليل و أشعات كل أسبوعين.
– و حدث ما توقعناه بل و تمنيناه و هو توقف نبض الجنين المشوه في الشهر الثامن، و استكملنا الحمل على خير بفضل الله.
– و تمت الولادة على خير في الشهر التاسع
و جت أحلى و أغلى دودو في الدنيا
-ربنا يحفظها و يبارك فيها و يجعلها قرة عين لوالديها.
